Recordando cousas lindas q pasaron no noso cole


Publicado en Cra | Deixar un comentario

Recortes de aula…


Publicado en Cra, Escola Fornelos | Deixar un comentario

FORNELOS NA FESTA DE FIN DE CURSO


A FESTA DE FIN DE CURSO
Xoves, 18 de xuño de 2015
Fomos chegando arredor das 10 á escola de Marzán e xuntándonos co alumnado de Infantil de Fornelos e con Rebeca e Moncho.
Ás 10 e media comezamos cos xogos. Íamos cos nenos e nenas de Marzán Infantil. O primeiro foi o do paracaídas, no que estaba encargado Agustín. Xogamos cunha pelota, meténdonos dentro do buraco do medio e pasando por debaixo do paracaídas.
Despois fomos aos inchables, que levaba un coñecido de Iago, onde saltamos, subimos e nos tiramos polo tobogán. Tamén xogou Moncho.
Máis tarde fomos xogar ao pano, a cargo de Bego, que ía dicindo os nomes para que foramos coller o pano.
Logo fixemos catro equipos para xogar a encher uns bidóns cun vaso de auga que levabamos correndo, nun xogo que levaba Ana, de Inglés, e bea, de Relixión.
Despois asistimos a unha sesión de teatro de sombras con María e Nieves. Titulábase “Irimia, a estrela do río Miño”. Brétema, unha xacia do río, metade peixe, metade humana, contaba a historia de Irimia, unha nena estrela que recolle o desexo dun neno que quería que parasen as guerras. Van pasando nenos con armas que van a guerra e Irimia non lles deixa pasar e dilles que teñen que plantar palabras coma liberdade, esperanza, tenrura, solidariedade…Hai un momento no que Irimia bebe un vaso de auga do río e séntese mal porque a auga está contaminada. Aparece un paxariño que lle salva a vida. Logo Irimia vai parar as guerras que foron pasando polo río cando estaba enferma. O paxariño queda encargado de limpar o río, pero está tan cheo de porcallada que tamén enferma. Ao remate sálvanse a nena e o paxariño.
Logo dun momento de xogo libre polo patio, comezamos a merenda, cando chegaron tamén moitas das familias.
Fomos marchando a partires da 1 e media.

This slideshow requires JavaScript.

Publicado en Escola Fornelos | Deixar un comentario

GRADUACIÓNS EN FORNELOS


Hoxe celebramos a ceremonia de graduación de Pablo, Nicolás Cruz, Sara, Martín e Aarón, que remataron os estudos de Infantil e de Lucía Alfaya, David Castro, Nicolás González, Khaled, Carla, Juan e Esteban que remataron os de 2º de Primaria.

This slideshow requires JavaScript.

Publicado en Escola Fornelos | Deixar un comentario

ANIVERSARIOS DE XUÑO E VERÁN EN FORNELOS


Celebramos os aniversarios de Xoel, Nicolás Español, Lola e Aarón de Infantil e de Borja, Sabela e Lucía Alfaya de Primaria.

This slideshow requires JavaScript.

Publicado en Escola Fornelos | Deixar un comentario

FORNELOS NA CASA DE TOIA E MONCHO


This slideshow requires JavaScript.

NA CASA DE TOIA E MONCHO
Venres 12 e sábado 13 de xuño de 2105
Fomos chegando arredor das 8. David Castro veu para dicirnos que estaba enfermo, con febre, e non quedou.
As familias e os nenos e nenas de 2º regaláronlle a Toia unhas flores, hortensias, e a Moncho unha planta, Hibiscus, e unha foto na que saen Carla, Lucía Alfaya, Esteban, Juan, David Castro, Nicolás e Khaled na fonte da escola. Esta foto vaina conservar Moncho toda a vida.
Colocamos as bolsas e sacos e fomos dar unha volta. Paramos na casa de Cristina, a nai de Jairo e alí vimos tamén a Óscar. Cristina deunos chupa-chups. Fomos ata á Pesqueira. Paramos nunha casa de madeira onde estaban a irmá máis vella de Moncho e o seu home coa nai de Moncho. Saudamos e volvemos porque Toia xa fora buscar unhas pizzas que tomamos porque un día é un día. Ceamos as pizzas e un xeado. Lavamos as mans, cepillamos os dentes, puxemos o pixama, colocamos os sacos de durmir. Logo tocamos o piano, xogamos a un xogo de matemáticas e vimos unha película. Pouco a pouco fomos quedando durmidos.
Á mañá seguinte fomos espertando e colocando as cousas logo de asearnos. Juan tardou máis en espertar. Almorzamos con zume, leite e galletas. Primeiro Esteban, porque tiña que ir xogar ao fútbol. Fomos recollendo, tocando o piano e mirando outra película, tamén xogamos ao xogo das sumas. Fomos marchando Khaled, Juan, Nicolás, Lucía e Carla.
Será un día que lembremos sempre.

Publicado en Escola Fornelos | Deixar un comentario

MAXIA EN FORNELOS


 

This slideshow requires JavaScript.

MAXIA NA ESCOLA
Venres, 12 de xuño de 2015
Chegaron á escola e colocaron todas as cousas namentres estabamos no recreo. Eran Nieves e María, as mesmas que fixeron o teatro de sombras en outubro. Disfrazáronse de maga e mago. Primeiro ensinaron unha caixa na que tiñan pos máxicos.
Fixeron o primeiro truco que era facer aparecer unhas flores, dunha revista que non tiña nada, tamén o mago sacaba as flores do seu peto. Logo déronnos unha flor para cadaquén.
Ensinaron logo unha caixa de cereais que estaba case baleira. Da nada apareceu un vaso cheo deles. Converteron tres botellas con auga incolora, cos pos e a variña máxicos, en tres botellas con cores distintas.
Logo escollemos unha carta co número 3 e apareceu un plátano cortado en tres anacos.
Despois deron a escoller unha carta dun lote, que representaba o debuxo dunha casa e logo apareceu a carta na bota do mago.
Por último colleron un telescopio de cartón do que saíu confetti.
Foi moi divertido, aínda que había quen tiña algo de medo polo misterioso.

Publicado en Escola Fornelos | Deixar un comentario