REVISTA ESCOLAR “O BUFO FICH” 2021!

Un ano mais… si! Pero moi diferente a todos os anteriores, pois este curso estivo marcado polas normas Covid que a todos nos tocou vivir e que moi especialmente o peques asumiron tan ben!

Pero aquí ven a nosa Revista Escolar cargadiña de mais novas das que cando comezamos en Setembro imaxinamos!

E, ademais, este sen dúbida foi un curso de Emocións! Pero… velaquí vos deixamos a revista do EDLG coa que colaboran todos os mestres/as e alumnado, equipos e grupos de traballo do CRA e, as familias a través da ANPA.

https://issuu.com/cramariazambrano

Velaquí o QR da PUBLICACIÓN da REVISTA ESCOLAR BUFO FICH. Edic.12.
ANO ESCOLAR 2020-2021 do CRA MARIA ZAMBRANO (O ROSAL)

Na revista deste ano reservamos un anaquiño para despedir a nosa compañeira Rocío de Tabagón, que estivo con nós desde setembro de 2017, un cariño que lle achegamos con todo respecto desde os nosos corazóns

Setembro 2020

Quedamos sen palabras! … ata aquí este curso!

LETRASGALEGAS 2021: XELA ARIAS!

AS LETRAS GALEGAS 2021

Hoxe 17 de Maio estamos de festa das nosas LETRAS! Celebramos o día das LETRAS GALEGAS!! Este ano cunha muller, XELA ARIAS! a quinta muller á que se dedica este día tan especial para a nosa literatura desde que se conmemora este día desde a publicación de Cantares Gallegos da nosa grande Rosalía de Castro!!

 Xela Arias Castaño (1962 Sarria- 2003 Vigo) foi poeta, tradutora e profesora de Lingua Castelá e Literatura en diferentes institutos galegos. Traballou no Departamento de Creación e Investigación de Edicións Xerais de Galicia. e, como mestra entre outros no IES A SANGRIÑA de A Guarda!

Fixo traducións ao galego de obras como “Drácula” de Bram Stoker, “As bruxas” de Roald Dahl, “O gato Gaiado e a andoriña Señá: unha historia de amor” de Jorge Amado, “Contos ao teléfono” de Gianni Rodari, entre outros autores. 

Tamén é autora de moitas publicacións entre elas unha das mais coñecidas é “Darío a Diario” ou “Tigres coma cabalos”

 Desde os 11 anos xa destacou nas letras gañando o primeiro premio VI Concurso de Contos Infantís O Facho, da Coruña, co conto titulado

      “A fraga dos paxaros faladores e a fraga leopardicia”

Os nomes en galego

Premendo no enlace anterior poderás saber mais cousas sobre o nome de Xela Arias!

E, premendo no seguinte enlace irás ao Genially que nosa compañeira Cristina do EDLG preparou para aprender moitas cousas sobre Xela Arias

Esperamos que vos guste!!

E… hai premio para a aula!! Siii é un “Abecedario ilustrado” d editorial onde comezara Xela Arias a traballar de ben moza!!

XELA ARIAS, LETRAS GALEGAS 2021.

O 17 DE MAIO CELEBRAMOS A FESTA DAS NOSAS LETRAS COA POLIFACÉTICA XELA ARIAS!!

Que Xela Arias fose unha muller polifacética significa que era moi boa en distintas áreas! Co Genially aprendemos que Xela ademais de escritora foi mestra, e… traballou moi cerquiña do noso CRA no IES A Sangriña, na Guarda!! Tamén foi traductora de libros de distintos idiomas ao galego…. de feito ese foi o seu primeiro traballo, na Editorial Xerais!

MISIÓN XELA!

Tamén compartimos aquí os traballiños que fixemos no CRA sobre esta autora!

Velaquí un exemplo de 3 aulas: Pías Primaria, Couso E.I, e Novás Primaria:

• 

• 

• 

• 

• 

• 

• 

• 

• 

• 

• 

• 

• 

Tamén traballamos con distintas actividades que nos ofrecía o Seminariogalán: http://seminariogalan.org/

UD. XELA-3_anosDescarga\t

UD. XELA-4_anosDescarga\t

UD XELA-5_anosDescarga\t

UD. XELA 1.EPDescarga\t

UD.XELA 2. E.P.Descarga\t

UNHA ESCRITORA PRESENTANDONOS A OUTRA ESCRITORA, XELA ARIAS!

Este ano o día das Letras Galegas estará dedicado a Xela Arias. Unha muller de letras galegas desde ben nena!

A escritora Yolanda Castaño nos presenta a vida de Xela Arias no seguinte vídeo, veredes cantas cousas ides descubrir de Xela. Moi atentiños!

ROSALIART

Neste curso ademáis de aprender moitas cousas sobre Rosalía deseñamoslle vestidiños de época!

Para facer esta actividade participamos co concello todos os centros educativos de O Rosal: A Galescola, o CPI Suárez Marquier e nós, os nenos e nenas do CRA

Velaquí o resultado dos nosos traballiños que se repartiron por todos os locais e comercios de O Rosal! Ata no Concello estiveron expostos!

https://photos.google.com/share/AF1QipMPrq7AVWox7-_8WM5_neHM_jPzqG4U1vN6MdAUqtWnYOxRmMcfovT8HAw6wSKF6w/photo/AF1QipOpc2f7rBuxwIuH6ISz7nlB7bVw21ytNefLRO1r?key=SFFqZUc0OFkxc0RtNlVOeDNoZjdrSVRBRjZSQ0x3

24 de Febreiro. Día de Rosalía

O BUFO Dí…

As nosas particulares “ORDES DO MECO” neste curso Covid

PREPARAMOS AS NOSAS RECEITAS DE PAZ

A PAZ trabállase ao longo de todo o curso, pero para conmemorar este día dun xeito especial, no CRA elaboramos nosas receitas!

Estamos a traballar as emocións e… sabemos que non queremos guerras! Transmite emocións que non nos gustan nada! Foi a nosa conclusión despois de ler o libro : “OS NENOS NON QUEREN A GUERRA”

os-nenos-non-queren-a-guerraDescarga

Qué contén para tí a PAZ?

Cada un ten a súa propia receita! Velaquí a de cada unha das nosas aulas!

libro-coas-nosas-receitas-paz-cra-2021Descarga

Preparamos as nosas receitas da Paz para compartir con todos! Escollede a que mais se axeite a vós!

30-xaneiro_propostapazDescarga

CELEBRAMOS O NADAL NO CRA

A pesar da situación COVID fixemos unha celebración moi especial no CRA na que participamos todos!

No Nadal  nalgunhas aulas o alumnado enviou postais e felicitacións ás familias e, noutras celebraron o amigo invisible.

E, noutras, co programa de realidade aumentada Quiver decoraron debuxos do Nadal!

Nas aulas elaboráronse adornos para decorar nos distintos locais do Concello e, as familias prepararon arranxos navideños para decorar tanto o interior coma o exterior da aula con adornos con material de refugallo incluíndo algúns algunha palabra de felicitación en galego propia destas datas.

Deseño dun mantel con mensaxe en galego e, merenda de comidas propias da época do ano de xeito individualizado.

Deseño dunha carta dos Reis para os nenos do CRA que o alumnado redactou e decorou para entregar ao paxe que veu recoller as cartas polas aulas (o mestre de música disfrazado, Efraín) e, co que cantaron a panxoliña “Xa me tardan estes magos” que preparan para este día con el.

Neste curso non puidemos convidar ao centro ao Apalpador por mor do Covid-19, pero para compensar desde Biblioteca prepararon un agasallo para todos!

E, para finalizar a coordinadora de A. Extraescolares e o mestre de música prepararon un vídeo co baile dunha panxoliña e, outro coas campadas de fin de ano, para todas as aulas do CRA

NO CRA CELEBRAMOS O MAGOSTO!

Este ano dun xeito totalmente distinto ao que estabamos acostumados todos xuntos, na escola de Fornelos.

A causa da pandemia, tivemos que celebrar a festa do MAGOSTO cada escola na súa aula, facendo actividades diferentes con castañas (números, letras, decoracións) e aproveitando que traballamos as emocións para facerlle cariñas; de xogos populares un buscatesouro no patio, onde por aulas o alumnado tiña que descubrir onde se escondían as castañas….

Nalgunha aula atrevéronse a asar castañas no patio ao final da xornada!!

A pesar da nova normalidade que nos marca distanciamento entre nós, inda foi un día ben divertido!

E… para ter algo en común, entre todas as aulas elaboramos murais con refráns en galego!

Velaquí o resultado

Album-refrans-do-magostoDescarga\t

E… CHEGOU O SAMAIN AO CRA!

O MEDO XA NON NOS DA MEDO!!!

Como xa feremos ao longo deste curso; as propostas e ideas para celebrar diferentes festas e conmemoracións, levaranse a cabo nas nosas propias aulas e cos grupos de traballo establecidos na mesma 🙂

 Así, algunhas das ideas de traballo que tivemos para o SAMAÍN foron:

• Visionamos un curto sobre a “Orixe do SAMAIN” e falamos daquelas cousas que nos dan medo.

• ¿Cómo podemos deixar atrás os nosos medos?? … propomos debuxar os nosos medos e gardalos nun saquiño ou mesmo atrapalos para logo desbotalos…, nalgunhas aulas propuxeron facer un conxuro para que non entren os nosos medos na escola…

FIXEMOS CONXUROS…

DEBUXAMOS NOSOS MEDOS….

PARA LOGO TIRALOS!

• Traballamos diferentes imaxes propias do SAMAIN a través do escornabots

   E, como tódolos anos; vimos disfrazados, facemosunha exposición das cabazas decoradas na casa coas nosas familias, temos a aula decorada e preparada para a ocasión, papamos unha merenda terrórifica!!!

Ademais das fotos que tedes enlazadas, queremos compartir un vídeo que recolle e resume o día tan emocionante que pasamos!!!

Como vístedes foi unha xornada na que o pasamos terrorríficamente ben!